Həmkəndlisini güllələdi, cinayət işi açıldı
Baxılıb: 572 Tarix: 30-03-2021 10:38
Martın 29-da Cəlilabad rayonu, Hacıcavad kənd sakini, 1952-ci il təvəllüdlü Sabir Xankişi oğlu Əmirova odlu silahdan açılan atəşlə bədən xəsarətinin yetirilməsi barədə rayon prokurorluğuna məlumat daxil olunub.
Bu barədə Qanunvehedef.az-a Cəlilabad Rayon Prokurorluğundan məlumat verilib.
Bildirilib ki, cinayət prosessual qanunvericiliyinin tələblərinə əsasən, prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.
Aparılan araşdırmalarla zərərçəkmişin həmkəndlisi, 1968-ci il təvəllüdlü Rahib Adış oğlu Məmmədovun şəxsi münasibətlər zəminində aralarında yaranmış mübahisə zamanı ov tüfəngindən atəş açaraq Sabir Əmirovu qəsdən öldürməyə cəhd etməsinə əsaslı şübhələr müəyyən edilib.
Faktla bağlı Cəlilabad Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.
Rahib Məmmədov şübhəli şəxs qismində tutularaq istintaqa cəlb edilib.
Hazırda cinayət işi üzrə zəruri istintaq tədbirləri davam etdirilir.
Ən çox oxunanlar
Son xəbərlər
