Xəbər lenti
Arxiv
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031

"Vosmoy bazarı" bağlanır - FOTO

Baxılıb: 311     Tarix: 16-03-2020 16:34   

Nazirlər Kabineti yanında operativ qərargahın dünən açıqlanmış qərarına uyğun olaraq, koronavirusla mübarizə tədbirləri çərçivəsində ötən gecədən etibarən ölkə ərazisində fəaliyyət göstərən iri ticarət mərkəzləri bir ay müddətinə bağlanıb. Bu baxımdan, oxucuları düşündürən suallardan biri bazarların bağlanıb-bağlanmamasıdır.
Rəsmi olaraq "Ticarət mərkəzi-4" ASC adlanan, Bakının ən gur alqı-satqı yerlərindən biri olan, 8-ci kilometr qəsəbəsində yerləşən "Vosmoy bazarı" bu gün heç nə olmayıbmış kimi işləyir.
Oxu.az-ın əməkdaşlarının verdiyi məlumata görə, qeyri-iş günü üçün alıcıların sayının az olmasına baxmayaraq, bazarın bütün hissələrində satış əvvəlki kimi davam edir.
Satıcılardan birinin bildirdiyinə görə, hələlik onlara bazarın bağlanması ilə əlaqədar heç kim məlumat verməyib, ümumiyyətlə, dəyişiklik yoxdur. Eyni zamanda, öyrəndik ki, piştaxtalara görə alınan icarə haqqının məbləği də dəyişməyib. Bir sözlə, burada "həyat davam edir".
Məsələn, son günlərdə iri marketlərdə göyərti satışı faktiki dayandırılsa da, bazarda belə bir qıtlıq yoxdur. Dəstəsi 20 qəpiyə istənilən göyərtini almaq olar. Bakıda əkiləni də var, yollar bağlı olsa da, rayonlardan gətiriləni də. Doğrudur, satıcılar alıcıların azalmasından gileylənirlər.
Yeri gəlmişkən, bazarda maskalı adamlara tək-tük rast gəlinir. Satıcıların maska taxmasından, əlcək geyməsindən danışmağa belə dəyməz. Sanki koronavirus təlaşı buradan yan keçib.
"Vosmoy bazarı"nın ərazisini əlindəki kiçik püskürdücü ilə dezinfeksiya edən təhlükəsizlik xidmətinin əməkdaşından öyrəndik ki, sabahdan bazarda alqı-satqı dayandırılacaq.
Düzü, satıcıların əksəriyyətinin bu qərardan xəbəri yoxdur. Çıxışda rastlaşdığımız mağaza sahiblərindən biri tamamilə başqa iddia irəli sürdü: "Alver olacaq, amma saat 15-ə qədər".

Qanunvehedef.azшаблоны для dle 11.2



Ən çox oxunanlar
Son xəbərlər
Redaktor seçimi
Çox oxunanlar