Tiflis açıqladı: NATO-nun Qara dənizdə olması...

Qara dənizin təhlükəsizliyi Avroatlantik məkanın təhlükəsizliyi üçün zəmanət rolunu oynayır.
Qanunvehedef.az xəbər verir ki, bunu Gürcüstanın Baş naziri Georgi Qaxariya deyib.
“Batumiyə bu səfər simvolik xarakter daşıyır. Belə ki, bir müddət əvvəl NATO-Gürcüstan əməkdaşlığında yeni sfera – Qara dənizin təhlükəsizliyi məsələsi peyda olub. Biz başa düşürük ki, Qara dənizin təhlükəsizliyi Avroatlantik məkanın təhlükəsizliyi üçün zəmanət rolunu oynayır. NATO-nun Qara dənizdə olması kritik vacib xarakter daşıyır”, – deyə o bildirib.
Qeyd edək ki, dünən NATO baş katibinin müavini Rouz Qetemüller Tiflisə səfərə gəlib. Tiflisdən sonra onun rəhbərlik etdiyi nümayəndə heyəti Batumiyə yola düşüb.