Priqojin döyüşçülərini Baxmutdan çıxarmağa başlayır

Rusiyanın “Vaqner” özəl hərbi şirkəti öz bölmələrini Baxmut şəhərindən çıxarmağa başlayıb. 
Qanunvehedef.az “Strana”ya istinadən xəbər verir ki, bu barədə məlumatı şirkətin rəhbəri Yevgeni Qriqojin açıqlayıb.
Onun sözlərinə görə, şəhərdə mövqelər rusiyalı hərbçilərə təhvil verildikdən sonra bölmələrin Baxmutdan çıxarılması iyunun 1-nə qədər həyata keçiriləcək.
Qeyd olunur ki, bu, Priqojinin “Vaqner” bölmələrinin Baxmutu tərk etməsinə dair ilk açıqlaması deyil. Belə ki, o bu barədə ilk məlumatı mayın 5-i elan etsə də, proses baş tutmayıb.
Xatırladaq ki, Priqojinin daha əvvəlki açıqlamasına görə, “Vaqner” Baxmut uğrunda döyüşlərdə 20 min itki verib.