Millimiz Qazaxıstana qarşı

Futzal üzrə Azərbaycan millisi DÇ-2024-ün elit mərhələsində növbəti oyununa çıxacaq.
Qanunvehedef.az xəbər verir ki, yığmamız bu gün yer aldığı A qrupunun favoriti Qazaxıstanla üz-üzə gələcək.
Bu komandalar arasında dörd gün əvvəl Bakıda keçirilən qarşılaşmada qonaqlar 4:2 hesablı qələbə qazanmışdı. Vitali Borisovun yetirmələri səfərdə qələbə qazanmaq məcburiyyətindədi.
Astanadakı Jekpe-Jek Sarayında keçiriləcək matç Bakı vaxtı ilə saat 18:00-da başlayacaq. Oyunu sloveniyalı hakimlər Trayan Ençev, Kaloyan Kirilov və İvo Tsenov idarə edəcəklər.
Qeyd edək ki, millimiz hazırda 3 xalla qrupun üçüncüsüdü. Qazaxıstanın isə aktivində 9 xal var.