Zubir Fransa çempionatından təklif aldı

“Qarabağ” qış transfer dönəmində aparıcı futbolçusu Abdullah Zubiri itirə bilər. 
Qanunvehedef.az “L’Equipe” nəşrinə istinadən xəbər verir ki, fransalı yarımmüdafiəçi ölkəsinə qayıtmağa yaxındır.
Bildirilir ki, 31 yaşlı sol cinah oyunçusunun hətta Liqa 1-də çıxış etmək ehtimalı yüksəkdir. Adları açıqlanmasa da, Fransa yüksək liqası komandalarının onunla maraqlandığı yazılıb.
Eyni zamanda Səudiyyə Ərəbistanından bir klub da Zubiri heyətinə qatmağı düşünür. Lakin “Lans”ın sabiq oyunçusu Liqa 1-də oynamağa daha meyllidir.
Qeyd edək ki, Abdullah Zubir 2018-ci ildən “Qarabağ”ın formasını geyinir. 31 yaşlı oyunçunun hazırkı anlaşması mövsümün sonunda bitəcək.

Qanunvehedef.az