"Qalatasaray"dan mübahisələrə səbəb olacaq İkardi qərarı
Baxılıb: 615 Tarix: 30-10-2023 15:24
Beşiktaş derbisində zədələnərək "Bayern" və "Rizəspor" matçlarında iynə ilə meydana çıxan Mauro İkardi ilə bağlı yekun qərar verilib.
Qanunvehedef.az bu barədə Türkiyə mediasına istinadən xəbər verir.
Argentinalı hücumçu noyabrda başlayacaq milli fasiləyə qədər məşqdə iştirak etməyəcək və oyun günlərində iynə vuraraq meydana çıxacaq.
Bəzi azarkeşlər bu qərarı səhv hesab edərək, bunun futbolçunun daha ciddi zədələnməsinə səbəb ola biləcəyini bildiriblər.
Xatırladaq ki, Superliqanın 10-cu həftəsində "Qalatasaray"ın "Çaykur Rizəspor"u 1:0 hesabı ilə məğlub etdiyi matçda, Mauro İkardi yenidən meydana iynə ilə çıxmışdı. İstanbul təmsilçisinin argentinalı hücumçunu bir müddət daha iynə ilə oynatmaq istədiyi bildirilib.
İkardi milli fasiləyə kimi noyabrın 3-də "Kasımpaşa", 8-də "Bayern" və 11-də "Hatayspor"la keçiriləcək matçlarda meydanda iynə ilə çıxacaq.
Qanunvehedef.az
Ən çox oxunanlar
Son xəbərlər
