Deputatlarımız futbol oynadı, medal qazandı

Azərbaycanlı deputatlar Türkiyədə keçirilən beynəlxalq turnirdə bürünc medal qazanıblar.
Qanunvehedef.az xəbər verir ki, qardaş ölkənin 100 illiyinə həsr edilmiş yarışda Türkiyə ilə yanaşı Azərbaycan, Rumıniya, Bolqarıstan, Bosniya və Herseqovina, Macarıstan və Gürcüstanın parlamentlərini təmsil edən komandalar iştirak edib.
B qrupunda mübarizə aparan azərbaycanlı deputatlardan ibarət komanda 4 oyundan 3-də qalib gələrək “bürünc”ə sahib çıxıb.
Azərbaycan komandasının heyətində deputatlar Tahir Mirkişili, Mahir Abbaszadə, Azər Badamov, Məzahir Əfəndiyev, Nurlan Həsənov, Cəbi Quliyev, Naqif Həmzəyev, Vüqar Bayramov, Tural Gəncəliyev, Fərid Hacıyev, İlkin Məmmədov, Aqşin Hümmətov, Emin İmanov, İlham Həsənov, Rüfət Ələkpərov, Təbriz Tağıyev çıxış edib. Baş məşqçi isə futbol yığmamızın sabiq üzvü İsgəndər Cavadov olub.

Qanunvehedef.azшаблоны для dle 11.2