DSMF-nin gəlir və xərcləri artıb - Rəqəmlər
Baxılıb: 407 Tarix: 14-03-2025 13:48

2024-cü il üzrə operativ məlumata əsasən, DSMF-nin cəmi xərcləri 6888,8 milyon manat olub.
Qanunvehedef.az xəbər verir ki, bu, Nazirlər Kabinetinin 2024-cü ildə fəaliyyəti haqqında hesabatında öz əksini tapıb.
Yəni 2023-cü illə müqayisədə 808,2 mln. manat və ya 13,3% artım qeydə alınıb.
DSMF-nin gəlirləri isə 7020,4 mln. manat təşkil edib ki, bu da 2023-cü illə müqayisədə 345,4 mln. manat və ya 5,2% çoxdur.
Hesabat dövründə əhaliyə ödənişlərin maliyyələşdirilməsi üçün DSMF tərəfindən 6662,2 mln. manat vəsait xərclənməklə bu göstərici 2023-cü illə müqayisədə 13,2% artıb.
Əhaliyə ödənişlərin tərkibində pensiya xərcləri 6495,6 mln. manat təşkil edib. Bu isə 2023-cü illə müqayisədə 13,5% artım deməkdir.
Qanunvehedef.az
Ən çox oxunanlar
Son xəbərlər