Rusiyanı Moldovada sabitliyi pozmaqda ittiham etdi

Moldova Prezidenti Maya Sandu Rusiyanı 2024-cü ilin noyabrında gözlənilən prezident seçkilərindən əvvəl respublikadakı vəziyyəti destabilizə etmək planlarının olmasında ittiham edib.
Qanunvehedef.az xəbər verir ki, o bu barədə PRO-TV telekanalına müsahibəsində danışıb.
“Biz düşünürük ki, Rusiya burada vəziyyəti destabilizə etmək cəhdlərini davam etdirəcək. Çox güman ki, onlar yaza yaxın başlayacaqlar. Burada olan insanlar istifadə ediləcək, taktika dəyişə bilər. Yerli seçkilərdən dərs çıxarmalı, onları təhlil etməli və vətəndaşların səslərini və demokratik seçkiləri qorumaq üçün tədbirlər görməliyik”, - Sandu deyib.
Qeyd edək ki, Moldova hakimiyyəti böhran yaşayır, çünki 2022-ci ildən bəri respublikada müxalifətin kütləvi etiraz aksiyaları keçirilir, hakim Fəaliyyət və Həmrəylik Partiyasının formalaşdırdığı prezident və hökumətin istefası tələb olunur. Etirazçılar bildirir ki, ölkədə qiymətlər və yoxsulluq səviyyəsinin sürətlə artmasına görə hakimiyyət məsuliyyət daşıyır. Buna cavab olaraq, hakimiyyət müxalifəti dövlət çevrilişi hazırlamaqda günahlandırıb, etirazların liderlərinə qarşı cinayət işləri açıb, müxalifətin platformasını təmin edən televiziya kanalları və xəbər portallarını bağlayıb.

Qanunvehedef.az