İspaniya yaxın illərdə Fələstini tanımalıdır – Baş nazir

İspaniya hökumətinin başçısı Pedro Sançes hesab edir ki, ölkə parlamenti nəzəri cəhətdən 2027-ci ilə qədər davam etməli olan hazırkı səlahiyyət müddətində Fələstinin tanınması məsələsini nəzərdən keçirməlidir. 
Qanunvehedef.az  bu barədə TASS-a istinadla xəbər verir. Baş nazirin Deputatlar Konqresində (parlamentin aşağı palatası) çıxışında dediyinə görə, Yaxın Şərqdə ciddi sülh perspektivi “İsrail dövləti ilə sülh və təhlükəsizlik şəraitində birgə yaşayan Fələstin dövlətinin mövcudluğunun tanınmasını nəzərdə tutur”.
"Düşünürəm ki, səlahiyyət müddətimizin hansısa məqamında biz Fələstin dövlətinin tanınması məsələsini də müzakirə etməli olacağıq", - Sançes bildirib.
Bundan əvvəl hökumət başçısı artıq beynəlxalq ictimaiyyətin Fələstini tanımasının vaxtının çatdığını bildirmişdi.

Qanunvehedef.az