Dövlət Sərhəd Xidmətinin əsgəri qəfil vəfat etdi
Baxılıb: 952 Tarix: 19-12-2023 11:35
Qubadlıda Dövlət Sərhəd Xidmətinin (DSX) əsgəri vəfat edib.
Qanunvehedef.az DSX-nin Mətbuat Mərkəzinə istinadən xəbər verir ki, bu gün Sərhəd Qoşunlarının “Qubadlı” Əlahiddə Sərhəd Diviziyasının müddətli həqiqi hərbi xidmət hərbi qulluqçusu əsgər Həsrətov Xəyal Əzim oğlunun səhhəti qəfil pisləşib.
Hərbi qulluqçuya ilkin tibbi yardım göstərilərək dərhal xəstəxanaya təxliyyə edilməsinə baxmayaraq, onun həyatını xilas etmək mümkün olmayıb.
Hazırda əsgər Xəyal Həsrətovun ölüm səbəbinin müəyyən edilməsi üzrə müvafiq tibbi ekspertizalar təyin edilib.
Faktla bağlı prokurorluq orqanları ilə Dövlət Sərhəd Xidmətinin birgə araşdırma işləri aparılır.
Qanunvehedef.az
Ən çox oxunanlar
Son xəbərlər
