Brent nefti ötən ilin əvvəlindən ilk dəfə 53 dollardan aşağı düşüb

Brent markalı neftin qiyməti 2019-cu ilin əvvəlindən bəri ilk dəfə 53 ABŞ dollarından aşağı düşüb.
“APA-Economics”in məlumatına görə, qiymətlərin bu səviyyəyə çatmasının səbəbi ilk dəfə Çində aşkarlanmış koronavirusun (COVID-19) daha sonra müxtəlif ölkələrdə yayılmasıdır.
“Bu, təəccüblü deyil, çünki müəssisələr bağlanır, logistik zəncirlər dağılır və bu səbəbdən dünya iqtisadiyyatı tənəzzülə uğraya bilər”, - Rusiya mətbuatı bu vəziyyəti məhz belə şərh edir.
Qeyd edək ki, ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2020-ci ilin aprel müqaviləsinin dəyəri 1,46% azalaraq 1 barelə görə 52,65 dollar təşkil edib.