Lokdaunlar Yerin yuxarı qatlarının qızmasına səbəb oldu

Koronavirusa görə tətbiq edilən məhdudlaşmalar və təcrid rejimi planetin yuxarı qatlarının qızmasına səbəb olub.
Qanunvehedef.az xəbər verir ki, bu qənaətə Amerikanın Atmosfer Tədqiqatları Milli Mərkəzinin alimləri gəlib.
“Lokdaun Britaniyada 110 gün, Fransada 87, Ukraynada 108 gün davam edib. Nəticədə sənaye sahələrindən tullantıların əhəmiyyətli azalması müşahidə edilib. Bu, temperatura dərhal və qısamüddətli təsir edib”, – deyə alimlər bildiriblər.
Onların sözlərinə görə, istiləşmə Günəş işığını bloklayan aerozol tullantılarının ixtisarı ilə baş verib. Bunun da nəticəsində Günəşin istiliyinin böyük hissəsi planetə çatıb və bu, daha çox şəkildə inkişaf etmiş ölkələrdə müşahidə edilib.