“Bənövşəyi xətt üzrə daha 5 stansiya inşa olunmalıdır”

“B4 stansiyası Bənövşəyi xəttimizin “8 Noyabr”dan sonrakı stansiyası olacaq”.
Qanunvehedef.az “Qafqazinfo”- istinadən xəbər verir ki, bunu “Bakı Metropoliteni” QSC-nin mətbuat katibi Bəxtiyar Məmmədov jurnalistlərə açıqlamasında bildirib.
Onun sözlərinə görə, Dövlət Proqramına uyğun olaraq Bənövşəyi xətt üzrə daha 5 stansiya inşa olunmalıdır: “Həmin 5 stansiyadan biri, məsələn, B4 stansiyasından sonrakı B5 stansiyası “Nizami” stansiyasının yaxınlığında yerləşəcək. Hazırda bu stansiyaların ərazilərinin dəqiqləşdirmə işləri aparılır. Həmin stansiyadan birbaşa “Nizami”yə keçid olacaq”.
B.Məmmədov əlavə edib ki, “Avtovağzal” stansiyasında hərəkətə başlayan sərnişin həmin stansiyadan “Nizami”yə keçməklə hərəkətini Yaşıl xətt üzrə davam etdirəcək.

Qanunvehedef.az