Naxçıvan Dövlət Universiteti dünyanın ən yaxşı TOP 800-1000 universiteti arasında

Naxçıvan Dövlət Universiteti dünyanın ən nüfuzlu ali təhsil reytinq təşkilatlarından biri olan Times Higher Education tərəfindən açıqlanan THE Impact Rankings 2026 nəticələrinə əsasən, universitetlər arasında dünyanın ən yaxşı 801–1000 universiteti sıralamasında yer alıb.

Qanunvehedef.az xəbər verir ki, universitet Dayanıqlı İnkişaf Məqsədləri (SDGs) üzrə fəaliyyətlərinin qiymətləndirildiyi reytinqdə aşağıdakı nəticələri əldə edib:

-SDG 3 – Sağlamlıq və rifah: 801–1000
-SDG 4 – Keyfiyyətli təhsil: 401–600
-SDG 7 – Əlçatan və təmiz enerji: 401–600
-SDG 8 – Layiqli əmək və iqtisadi artım: 801–1000
-SDG 9 – Sənaye, innovasiya və infrastruktur: 601–800
-SDG 10 – Bərabərsizliyin azaldılması: 301–400
-SDG 11 – Dayanıqlı şəhərlər və icmalar: 601–800
-SDG 17 – Məqsədlər naminə tərəfdaşlıq: 601–800

Universitet ümumi qiymətləndirmədə 55.4 bal toplayaraq qlobal miqyasda ən yaxşı universitetlər arasında mövqeyini möhkəmləndirib. Bu nəticə universitetin təhsil, tədqiqat, innovasiya, sosial məsuliyyət və dayanıqlı inkişaf sahələrində həyata keçirdiyi fəaliyyətlərin beynəlxalq səviyyədə tanınmasının göstəricisidir.

Qanunvehedef.az