Qırmızı Xaç Komitəsinin nümayəndələri Qarabağa yalnız Azərbaycandan gedə bilər
Baxılıb: 197 Tarix: 20-10-2021 11:19
Beynəlxalq Qırmızı Xaç Komitəsinin nümayəndələri Rusiya sülhməramlıların nəzarət etdiyi Azərbaycan ərazilərinə yalnız respublikamızdan keçərək gedə bilər.
Qanunvehedef.az xəbər verir ki, bunu Dövlət Təhlükəsizliyi Xidmətinin rəisi, general-polkovnik Əli Nağıyev Beynəlxalq Qırmızı Xaç Komitəsinin (BQXK) vitse-prezidenti Jil Karbonyenlə görüşündə bildirib.
Ə.Nağıyev qeyd edib ki, regionda hökm sürən yeni reallıqlar nəzərə alınmaqla BQXK-nin nümayəndələrinin Azərbaycan ərazisində müvəqqəti yerləşən Rusiya sülhməramlı qüvvələrinin nəzarəti altında olan bölgələrə səfərləri Ermənistanın deyil, yalnız respublikamızın ərazisindən istifadə etməklə mümkündür.
Qeyd edək ki, Əli Nağıyev həmçinin Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədridir.
Ən çox oxunanlar
Son xəbərlər
