"RUSİYA UKRAYNAYA HÜCÜM ETSƏ..." - Ərdoğan Türkiyənin nə edəcəyini açıqladı
Baxılıb: 237 Tarix: 27-01-2022 15:32
“Rusiyanın Ukraynaya müdaxiləsi halında Türkiyə NATO çərçivəsində üzərinə götürdüyü öhdəlikləri yerinə yetirməyə davam edəcək”.
Bunu ölkə prezidenti Rəcəb Tayyib Ərdoğan Türkiyənin NTV telekanalına müsahibəsində deyib.
Türkiyə lideri Türkiyənin hansı addımları atmağa hazır olduğunu və Şimali Atlantika Alyansının üzvü kimi hansı öhdəliklərin olduğunu açıqlamayıb:
"İndi biz mövcud böhranın dialoq və diplomatiya yolu ilə həllini tapmaq istəyirik. Biz Rusiya və Ukraynanı konstruktiv və təmkinli davranmağa çağırmaqda davam edirik. Lakin Türkiyə NATO-ya üzvlük tələblərini yerinə yetirəcək".
O əlavə edib ki, Türkiyə əvvəldən Ukraynanın ərazi bütövlüyü və suverenliyini dəstəkləyib.
“Rusiyanın Ukraynanın ərazi bütövlüyünü pozan addımlarına, xüsusilə Krımın anneksiyasına qarşı açıq mövqe tutmuşuq”, - deyə Ərdoğan bildirib.
Qanunvehedef.az
Ən çox oxunanlar
Son xəbərlər
