Millət vəkili icbari tibbi sığorta haqqının artırılmasını təklif etdi.

“Statistik göstəricilərə görə Azərbaycanda onkologiya üçün ayrılan büdcə beynəlxalq səviyyədə nəzərdə tutulan rəqəmdən 10 dəfə azdır”.
Qanunvehedef.az xəbər verir ki, bu fikirləri deputat Rəşad Mahmudov parlamentdə “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində bildirib.
Deputat qeyd edib ki, ehtiyac olan rəqəm 500 milyon manatın üzərində olmalıdır: “Ən azından onkoloji xəstəliklərdə büdcənin iki qatına artırılması və bunun yanında icbari sığortanın əlavə olunması həyati məsələdir. Xahiş edirəm, bu məsələyə baxılsın. Əhalidən tutulan icbari tibbi sığorta haqqını 1 % artırmaqla müəyyən dərmanları, müalicələri icbari tibbi sığorta paketinə əlavə etmək olar. Düşünürəm ki, əhali buna narazılıq etməz”.

Qanunvehedef.az