Zelenskidən Putinin təhdidlərinə sərt - Cavab

ABŞ Prezidenti Donald Tramp bildirib ki, Rusiya lideri Vladimir Putin Ukraynanın Rusiya aerodromlarına həyata keçirdiyi hücumuna cavab vermək niyyətindədir.
Qanunvehedef.az xəbər verir ki, bu barədə Tramp “Truth” hesabında yazıb.
“Prezident Putin çox qətiyyətlə dedi ki, o, aerodromlara edilən son hücumlara cavab verməli olacaq”.
Ukrayna Prezidenti Volodimir Zelenski Putinin Rusiya aerodromlarına edilən zərbələrə cavab veriləcəyi ilə bağlı hədələrinə sərt reaksiya verib:
“Putin cəzasızlıq hissi ilə yaşayır və Rusiyanın bütün dəhşətli hücumlarından sonra belə, guya hansısa cavab tədbirləri hazırlayır”.
Onun sözlərinə görə, müxtəlif səviyyələrdə Rusiya ilə danışanlar olsa da, lakin bu danışıqlar nə etibarlı sülhə, nə də müharibənin dayandırılmasına gətirib çıxarıb.
“Əgər Rusiya atəşkəslə razılaşsaydı, Ukrayna Rusiyanın strateji aviasiyasını məhv etməyə yönəlmiş “Hörümçək toru” əməliyyatını həyata keçirməzdi. Atəşkəs həmin əməliyyatdan əvvəl razılaşdırıla bilərdi. Əgər bu baş versəydi, əməliyyat olardımı? Xeyr.
Yəni bu o demək deyil ki, biz eyni anda həm atəşkəs istəyirik, həm də heç nə etmirik. Mən hesab edirəm ki, atəşkəsin qaydaları hamı üçün keçərlidir. Əgər bu qaydalar pozulursa, biz də onları poza bilərik”, - deyə Zelenski bildirib.

Qanunvehedef.azшаблоны для dle 11.2