Binə qəsəbəsi 117 saylı məktəbdə 28 May – Müstəqillik Günü qeyd olunub

26.05.2026-ci il tarixində məktəbin İbtidai sinif müəllimi Könül Hacıyeva və rəhbər olduğu 3h sinif şagirdlərinin təşkilatçılığı ilə "28 May – Müstəqillik salnaməsi"nə həsr olunmuş tədbir təşkil etmişlər. Tədbir Azərbaycan Respublikasının Dövlət Himninin səsləndirilməsi ilə başladı, Vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edildi. Tədbirdə məktəb rəhbərliyi, şagirdlər və valideynlər iştirak etmişdir. Daha sonra şagirdlər tərəfindən vətənpərvərlik ruhunda hazırlanmış bədii səhnəciklər və rəqslər təqdim olundu. Azərbaycan bayraqları ilə çıxış edən şagirdlər dövlətimizə, xalqımıza və müstəqilliyimizə olan sevgilərini böyük qürur hissi ilə nümayiş etdirdilər. Sonda məktəbin direktor əvəzi Səidə Ağamalıyeva tədbir və tarixi günümüz 28 May – Respublika günü ilə bağlı öz fikirlərini söyləmişdir.

Qəni Hüseynov