Bayden Hindistana getdi

ABŞ Prezidenti Co Bayden İyirmilik Qrupunun (G20) sammitində iştirak etmək üçün Yeni Dehliyə səfər edib.
Qanunvehedef.az xəbər verir ki, bu barədə Ağ Evdən məlumat verilib.
Bildirilib ki, nümayəndə heyətinin tərkibində dövlət katibi Entoni Blinken və maliyyə naziri Canet Yellen də var.
Amerika prezidenti G20 həmkarları ilə ilk növbədə Ukraynadakı vəziyyəti, eləcə də inkişaf etməkdə olan ölkələrə yardım məsələlərini müzakirə etmək niyyətindədir.
Baydenin sentyabrın 8-də Hindistanın Baş naziri Narendra Modi ilə görüşü gözlənilir.