Pezeşkiana görə imza kampaniya başladıldı

Rəşt Şəhər Şurasınnı üzvü Rza Aşərinin İran Prezidenti Məsud Pezeşkiana qarşı paylaşımından sonra bir qrup ziyalı və ictimai fəalın təşəbbüsü ilə Aşəriyə qarşı imza kampaniyası başladılıb.
Qanunvehedef.az xəbər verir ki, bu haqda yerli mediada məlumat yayılıb.
“Rza Aşərinin paylaşımı təxribat xarakterli olmaqla yanaşı, təhlükəsizliyə, xalqın səsinə, respublika quruluşu prinsipinə açıq-aşkar təhqirdir”, - kampaniya təşəbbüsçüləri yazıblar.
Bildirilib ki, məhkəmə sistemi və əlaqədar dövlət qurumları Rza Aşəri və onun kimi sərt xətt tərəfdarlarının təhlükəli çağırışlarına görə qəti addım atmalıdır.
Qeyd edək ki, Rza Aşəri özünün sosial media hesabında etdiyi paylaşımında İsrail hökumətini
İran Prezidenti Məsud Pezeşkianı öldürməyə çağırıb.

Qanunvehedef.az