Saakaşvili: Gürcüstanı xilas edəcəyəm

Gürcüstanın sabiq prezidenti Mixayil Saakaşvili Gürcüstanın ən varli biznesmeni İvanişvilinin siyasətə hansı səbəbə qayıtdığını izah edib.
Qanunvehedef.az  xəbər verir ki, bu barədə “Vestnik Kavkaza” məlumat yayıb.
“İvanişvili bildirib ki, mənim ölkəyə qayıdacağımdan və insanlara mənə qarşı münasibətdə düzgün mövqeni izah edən, qarət siyasəti ilə bağlı insanların gözünü açan “Rustavi 2”dən qorxduğu üçün siyasətə geri dönüb.
Gürcüstanın bu gün İvanişvilinin əlində olması bütün digər hallarla yanaşı şəxsən mənim yol verdiyim səhvlərə görədir. Mən bu səhvlərimi düzəltmək üçün mütləq Gürcüstana qayıdacam.  Xalqımın cinayətkar sindikatın əlində qalmasına imkan verməyəcəm”, - deyə Saakaşvili bildirib.
Qeyd edək ki, bir müddət əvvəl İvanişvili “Gürcüstan arzusu” hakim partiyasının sədri seçilib.