Deputatların maaşı artırıldı - SƏRƏNCAM
Baxılıb: 743 Tarix: 12-05-2018 14:41
Azərbaycanda deputatların vəzifə maaşı artırılıb. Qanunvehedef.az AzərTAc-a istinadən məlumatına görə, Azərbaycan Prezidenti İlham Əliyev bu gün “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 4 may tarixli 1121-VQD nömrəli Qanununun tətbiqi haqqında sərəncam imzalayıb.
Dövlət başçısının sərəncamı ilə Milli Məclisin sədrinin aylıq vəzifə maaşları 2250 manatdan 2475 manata qaldırılıb.
Qeyd edək ki, həmin qanuna görə, Milli Məclisin deputatları Milli Məclis sədrinin aylıq vəzifə maaşının 70 faizi miqdarında aylıq vəzifə maaşı alır və sədrin maaşına müvafiq olaraq, bu sərəncamla, deputatların da maaşı artır.
Bu dəyişiklik 2018-ci il mayın 1-dən tətbiq edilir.
Ən çox oxunanlar
Son xəbərlər
