POEZİYA - Sahin Hemidli
Baxılıb: 1 603 Tarix: 06-12-2024 14:04
Başqırıstanın Ufa şəhərində yaşayan şair dostum və eloğlum Baloğlan Cəlil üçün
Həsrət qərib ölkədir
Baharı vəsf etməyə
Sözlərin qəribsəyib.
El-obanı görməyə
Gözlərin qəribsəyib.
Həvəsin coşqun dəniz,
Arzuların bir ada.
Sevmək üçün yaradıb
Şair, səni yaradan.
Bir şeir yaz, əzizim
Sağlığına ürəyin.
Havadarın xəyaldır,
Qələm-kağız gərəyin.
Keçir şerin içindən
Ömrünün qismət yolu.
Qürbət yerin içində
Qəlbin vətənlə dolu.
Ömür-gün bostanında
Sevgi bitəndi, şair.
Həsrət qərib ölkədir,
Vüsal vətəndi şair.
Paylaşdı
Qəni Hüseynov
Ən çox oxunanlar
Son xəbərlər
