Prezident jurnalistlərə əsəbiləşdi

Fransa Prezidenti Emmanuel Makron mətbuat konfransı zamanı texniki məsələlərə görə jurnalistlərə etirazını bildirib.

Qanunvehedef.az xəbər verir ki, hadisə Brüsseldə Avropa İttifaqı sammiti çərçivəsində baş verib.

Belə ki, Fransa lideri KİV nümayəndələrinin mikrofonları dayanmadan tərpətməsindən narahat olaraq narazılığını ifadə edib.

“Eyni anda bütün kameralara baxa bilmərəm” deyən Makron müsahibə üçün əsas bir kamera təyin etməyi və mikrofonların tərpədilməməsini tələb edib.

Onun sözlərinə görə, kamera və mikrofonlar tez-tez tərpədildiyi və yeri dəyişdirildiyi üçün fikrini toplaya bilmir. Jurnalistlər mikrofonu bir qədər aşağıda sabit saxladıqdan sonra isə Makron çıxışına davam edib.

Qanunvehedef.az