Fidan İshaq Darla danışdı

Pakistanın xarici işlər naziri İshaq Darla Türkiyə xarici işlər naziri Hakan Fidan arasında telefon danışığı baş tutub.

Qanunvehedef.az xəbər verir ki, bu barədə Türkiyə mediası məlumat yayıb.

Məlumata görə, tərəflər regiondakı mövcud vəziyyəti müzakirə edərək dialoq və təmkinin vacibliyini vurğulayıblar. Onlar bütün tərəflər arasında qarşılıqlı anlaşmanın əldə olunacağına və bunun uzunmüddətli sülh və sabitliyə töhfə verəcəyinə ümid etdiklərini bildiriblər.

Nazirlər həmçinin regional və beynəlxalq məsələlər üzrə koordinasiyanı davam etdirmək, eləcə də Pakistan-Türkiyə tərəfdaşlığının inkişafı məqsədilə yüksək səviyyəli təmasların sürdürülməsi barədə razılığa gəliblər.

Qanunvehedef.az