“İranla razılaşma Tehranın qeyd-şərtsiz kapitulyasiyasıdır”
“İranla razılaşma Tehranın qeyd-şərtsiz kapitulyasiyasıdır”.
Qanunvehedef.az xəbər verir ki, bunu ABŞ Prezidenti Donald Tramp “Axios”a müsahibəsində deyib.
“Dünyanın ən güclü ordusuna sahibik”, - o deyib.
Jurnalistin razılaşmanın ilkin tələbləri ilə bağlı sualına cavab verən Tramp əvvəlcə “qeyd-şərtsiz təslim” ifadəsinin müzakirə olunduğunu xatırladıb, daha sonra isə mövqeyini belə ifadə edib: “Yaxşı, bu, həqiqətən də qeyd-şərtsiz təslimdir”.
“Düşünürəm ki, elədir”, - deyə o əlavə edib.
Müsahibədə ABŞ-İran xəttində münaqişənin dayandırılmasına yönəlmiş 60 günlük danışıqlar prosesinə də diqqət çəkilib. Məlumata görə, tərəflər bu çərçivədə razılaşma memorandumu imzalayıblar.
ABŞ Konqresində bəzi respublikaçılar razılaşmanın detalları ilə bağlı narahatlıq ifadə edib və Trampın İran siyasətinə dair fərqli mövqe sərgiləməyə başlayıblar.
Tramp isə müsahibənin davamında səlahiyyətləri ilə bağlı suallara “Heç bir məhdudiyyət yoxdur” cavabını verib.
Qanunvehedef.az
