Məxfi razılaşma var: Qarabağ qaytarılır – Minasyan

Öz mətbuat katibinin Feysbuk hesabının şifrəsini oğurlayan, “Aykakan Jamanak” qəzetində müəllifsiz redaksiya yazıları yazan, üstəlik mətbuat katibi adından operativ reaksiya verməyə cəhd edən Nikol Paşinyandan fərqli olaraq mən birbaşa, vasitəsiz yazıram.
Qanunvehedef.az xəbər verir ki, bu sözləri Ermənistanın Vatikandakı keçmiş səfiri, Serj Sərkisyanın kürəkəni Mikayıl Minasyan Feysbuk səhifəsində paylaşıb.
O, Paşinyanın Azərbaycanla Qarabağın geri qaytarılmasına dair ilkin razılıq əldə etdiyini və hakimiyyətinin saxlanılması qarşılığında mərhələli həll planına razılıq verilməsinə dair məxfi danışıqlar apardığını bildirib.
Minasyan Paşinyanın oliqarxlardan pul alaraq, onları qanuna əməl edən sahibkara çevirdiyini, dövlət büdcəsindən on milyonlarla dollar oğurladığını və bunu tərəfdarlarına payladığını da iddia edib.