Müharibədən qaçmaq üçün Bakı və Ankara ilə... – Köçəryan
Baxılıb: 588 Tarix: 10-12-2020 12:28
Qonşularla diplomatik dialoqun qurulması gərginliyin qarşısını almaq üçün çox vacibdir. Türkiyə ilə yaxşı münasibət qurmalıyıq. O, regionun ən böyük oyunçularından biridir.
Qanunvehedef.az xəbər verir ki, bunu Ermənistan İctimai Televiziyasına müsahibəsində “Mənim addımım” fraksiyasının deputatı Andranik Köçəryan bildirib.
“Türkiyə ilə münasibətimiz yaxşılaşmasa, müharibəyə məhkumuq. Müharibədən qurtulmaq üçün ən yaxşı yol əlaqə və dialoqdur. 90-cı illərdən bəri Türkiyə ilə dialoq qurulmayıb. Türkiyədən əlavə, Azərbaycanla da müxtəlif səviyyələrdə münasibətlər yaratmaq lazımdır", — o bildirib.
Xatırladaq ki, Köçəryan dekabrın 8-də Ermənistan parlamentində Azərbaycanla diplomatik münasibətlərin yaradılmasının vacibliyini bəyan etmişdi.
Ən çox oxunanlar
Son xəbərlər
