Lavrovla Qarabağı müzakirə edəcəyik — Çavuşoğlu

Sabah Rusiyaya səfərim zamanı Sergey Lavrovla Qarabağ məsələsini müzakirə edəcəyik.
Qanunvehedef.az xəbər verir ki, bu barədə Çavuşoğlu jurnalistlərə açıqlamasında bildirib.
XİN rəhbəri qeyd edib ki, Lavrovla görüşdə Qarabağ məsələsi diqqətdə olacaq:
“Rusiya ilə bir çox sahələrdə, o cümlədən regional məsələlərdə əməkdaşlığımız var. Suriyada, Liviyada fərqli tərəflərdəyik, lakin Suriya ilə Astana prosesində, Liviyada atəşkəsin qalıcı olması üçün bəzi çalışmalarımız mövcuddur.
Lavrovla Qarabağ məsələsini də müzakirə edəcəyik. Məlum olduğu kimi, Türkiyə-Rusiya Birgə Monitorinq Mərkəzinin yaradılmas ilə bağlı iki ölkə arasında razılaşma imzalanıb. Ortaq mərkəzin qurulması istiqamətində müzakirələrimiz davam edəcək.
Azərbaycanın sərhəd təhlükəsizliyi, ərazi bütövlüyü beynəlxalq hüquq çərçivəsində olmalıdır. Bununla əlaqədar gələcəkdə atılacaq addımları müzakirə edəcəyik".
Qeyd edək ki, 29 dekabrda Soçidə Türkiyə-Rusiya Ortaq Strateji Planlaşdırma Qrupunun 8-ci iclası keçiriləcək.