“Tərtər işi” ilə bağlı ilk məhkəmə başlayır - 192 zərərçəkmiş var

“Tərtər işi” ilə bağlı həbs edilmiş 4 nəfər yüksək rütbəli hərbçi Vüsal Ələsgərov, Rəşid Niftəliyev, Ramil Qarayev və Rüstəm Ələsgərovun cinayət işi üzrə istintaq başa çatıb.
Qanunvehedef.az xəbər verir ki, iş üzrə rəsmi olaraq 192 nəfər hərbçi zərərçəkmiş qismində tanınıb. Toplanmış materiallar baxılması üçün Bakı Hərbi Məhkəməsinə göndərilib. İşə hakim Camal Ramazanovun sədrliyi ilə baxılacaq.
Qeyd edək ki, ittiham olunan şəxslərdən Vüsal Ələsgərov polkovnikdir. O, Tərtərdə N saylı hərbi hissəsinin komandiri kimi 2017-ci ilin aprel-may aylarında tabeliyində olan şəxsləri təhqir etməkdə, döyməkdə, işgəncə verməkdə ittiham edilib. Rəşid Niftəliyev polkovnik-leytenantdır. O da N saylı hərbi hissənin Qərargah rəisi, daha sonra isə komandiri olub. R.Niftəliyev 2019-cu ildə “Hərbi xidmətlərə görə” medalı ilə təltif olunub.