XİN Gürcüstana başsağlığı verdi

Azərbaycan Xarici İşlər Nazirliyi Gürcüstanın Şovi kurort bölgəsində torpaq sürüşməsi nəticəsində həlak olanların ailələrinə başsağlığı verib. 
Qanunvehedef.az xəbər verir ki, XİN bu barədə öz tviter hesabında paylaşım edib.
“Ümid edirik ki, itkin düşən onlarla insan sağ-salamat tapılacaq. Gürcüstan xalqının və hökumətinin yanındayıq”, - deyə paylaşımda qeyd olunub.
Xatırladaq ki, Şovidə avqustun 3-ü günorta saatlarında baş verən torpaq sürüşməsi nəticəsində 7 nəfər həlak olub. Hadisə zamanı körpülər üçüb və yollara ziyan dəyib.