Ermənistanda Konstitusiya referendumu 2027-ci ildə keçirilə bilər

“Ermənistanda Konstitusiya referendumunun 2027-ci ildə keçirilməsi planlaşdırılır”.
Qanunvehedef.az “Sputnik Ermənistan”a istinadən xəbər verir ki, bunu jurnalistlərə açıqlamasında bu ölkənin ədliyyə naziri Qriqor Minasyan deyib.
Onun sözlərinə görə, ilk olaraq hazırkı Konstitusiyaya dəyişiklik edilməsi və yaxud yeni əsas qanunun qəbul edilməsi ilə bağlı müzakirələr olub və son nəticədə ikinci varianta qərar verilib: “Biz müzakirə etdik və konsensusa nail olduq – bizə Konstitusiya dəyişiklikləri deyil, yeni Konstitusiya lazımdır”.
Xatırladaq ki, Ermənistanın Baş naziri Nikol Paşinyan açıqlamalarında ölkəsinə yeni Konstitusiya lazım olduğunu vurğulayıb.

Qanunvehedef.az