Dəhşətli qəzada ölənlər toydan qayıdırmış
Baxılıb: 535 Tarix: 03-06-2022 11:44
İyunun 2-nə keçən gecə Kürdəmirdə baş vermiş ağır yol qəzası ilə bağlı bəzi məqamlar üzə çıxıb.
Qanunvehedef.az-ın əldə etdiyi məlumata görə, Ağsu-Kürdəmir-İmişli yolunun Təklə kəndindən keçən hissəsində qəzaya uğrayan "Mercedes" markalı mikroavtobusdakı şəxslər toydan qayıdırmış. Belə ki, mikroavtobusun sürücüsü, 64 yaşlı Elman Əşrafov həyat yoldaşı Firəngiz Əşrəfova və dayısı oğlu Niyaməddin Ağayevlə birlikdə Kürdəmirin Pirili kəndində qohumunun evində keçirilən məclisdə iştirak ediblər. Daha sonra onlar yaşadıqları Ağsunun Qaradağ kəndinə qayıdarkən ağır qəza baş verib.
Mikroavtobusun əks istiqamətdə hərəkətdə olan "KamAZ" markalı yük maşını ilə toqquşması nəticəsində E.Əşrəfovla dayısı oğlu aldıqları xəsarətlərdən hadisə yerində vəfat ediblər. E.Əşrəfovun həyat yoldaşı isə ağır xəsarətlər alıb. O, təcili yardım maşını ilə Bakıya gətirilərək xəstəxanalardan birinə yerləşdirilib.
Hadisə nəticəsində "KamAZ"ın sürücüsü Şəki rayon sakini Faiq İsmayılov da xəsarətlər alıb.
Faktla bağlı Kürdəmir Rayon Polis Şöbəsində cinayət işi açılıb, araşdırmalar davam etdirilir.
Ən çox oxunanlar
Son xəbərlər
