Həyasızcasına davrandı, ona görə dava düşdü - Paşinyan

Mən bütün məsuliyyəti müxalifətin üzərinə qoyuram, Mülki Müqavilə Partiyasının deputatlarının hərəkətlərini alqışlayıram və onlara dəstəyimi bildirirəm.

Qanunvehedef.az xəbər verir ki, bunu Ermənistanın Baş naziri Nikol Paşinyan parlamentdə baş verən dava haqda deyib.

“Zorakılığı pisləyirəm, amma bu gün görülən tədbirlərə görə Mülki Müqavilə Partiyasını dəstəkləyirəm.

Əgər kimsə müxalifətçidirsə, bu, onun həyasız olması demək deyil. Güclü Ermənistan Partiyasının üzvü kürsüdən həyasızcasına davranıb, xahiş və müraciətlərə məhəl qoymadan üzr istəməyəndə hər şeyin belə bitəcəyi aydın idi”, - o bildirib.

Qeyd edək ki, bu gün Ermənistan parlamentinin iclası zamanı deputatlar arasında kütləvi dava düşüb. Dava zamanı deputatlar bir-birinə yumruq və butulkalarla hücum ediblər.

Bundan öncə Paşinyan müxalifəti ələ salaraq, “mən onları fiziki baxımdan güclü bilirdim” demişdi.

Qanunvehedef.az