Nardaranda batan digər bacının da meyiti tapıldı
Baxılıb: 437 Tarix: 21-07-2022 10:45
Nardaran çimərliyində boğulan bacılardan digərinin də meyiti tapılıb.
FHN-dən verilən məlumata görə, qeyri-çimərlik ərazidə batmış 2008-ci il təvəllüdlü Aysu Asəf qızı Abdullayevanın cəsədi FHN Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən bu gün səhər saatlarında batdığı yerdən təxminən 11 km aralıda dənizdə tapılaraq aidiyyəti üzrə təhvil verilib.
Fövqəladə Hallar Nazirliyi bir daha əhaliyə müraciət edərək bildirir ki, qeyri-çimərlik ərazilərdə çimmək, habelə küləkli hava şəraitində dənizə girmək həyat üçün təhlükəlidir.
Qeyd edək ki, hadisə ötən gün baş verib. Aysu və Aysel Abdullayeva bacıları dünən dənizdə çimərkən boğulublar. 17 yaşlı Ayselin meyiti ötən gün tapılıb.
Qanunvehedef.az
Ən çox oxunanlar
Son xəbərlər
