Bakıda yük avtomobili aşdı - Foto-Yenilənib
Baxılıb: 514 Tarix: 17-04-2023 11:18
Bu gün Bakı şəhər Qaradağ rayonu ərazisində - “Sədərək” ticarət mərkəzinin yaxınlığında ağır yol qəzası baş verib.
Qanunvehedef.az “Qafqazinfo” istinadən xəbər verir ki, yük avtomobili idarəetmədən çıxaraq aşıb. Nəticədə sürücü şok vəziyyətinə düşüb və ətrafdakı şəxslərin ilkin tibbi yardımı ilə özünə gəlib.
Hadisə ilə bağlı araşdırma aparılır.
***
Daxili İşlər Nazirliyi (DİN) bu gün Qaradağ rayonu ərazisində baş verən qəza ilə bağlı məlumat yayıb.
“Bu gün saat 10:50 radələrində Bakı kənar dairəvi yolunun 7-ci kilometrliyində Qasımov Nəsir Habil oğlunun idarə etdiyi “Mercedes” markalı, 99-OA-693 dövlət qeydiyyat nişanlı yük avtomobili paytaxt istiqamətində hərəkətdə olarkən sürücünün idarəetməni itirməsi nəticəsində yoldan çıxaraq aşıb.
Xəsarət alan sürücüsü xəstəxanaya yerləşdirilib, hadisə yerinə cəlb olunan DYP əməkdaşları tərəfindən yolda nəqliyyat vasitələrinin hərəkəti bərpa olunub, zəruri təhlükəsizlik tədbirləri görülüb. Faktla bağlı araşdırma aparılır”, - rəsmi məlumatda bildirilib.
Ən çox oxunanlar
Son xəbərlər
