Yasamalda yanğın, ölən var

Bakıda yaşayış binasında yanğın olub.
Qanunvehedef.az FHN-ə istinadən xəbər verir ki, hadisə Yasamal rayonunda yerləşən üçmərtəbəli yaşayış binasında baş verib.
Binanın 1-ci mərtəbəsində ümumi sahəsi 50 m² olan birotaqlı mənzildə 1 ədəd çarpayı, 1 ədəd yataq dəsti və döşəmə 5 m² sahədə yanıb.
Yanğın yerinin kəşfiyyatı zamanı 1 nəfərin meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Mənzilin qalan hissəsi yanğından mühafizə olunub.
Hadisə ilə əlaqədar təhqiqat aparılır.