Azərbaycanda yüksək vəzifəyə TƏYİNAT - FOTO
Baxılıb: 836 Tarix: 17-12-2018 18:14
"Aqrar Tədarük və Təchizat" Açıq Səhmdar Cəmiyyətinin İdarə Heyətinin sədri vəzifəsinə təyinat olub.
Bu barədə Modern.az-a nazirliyin İctimaiyyətlə əlaqələr və informasiya təminatı şöbəsinin müdir müavini Vüqar Hüseynov bildirib.
V.Hüseynovun sözlərinə görə, bu vəzifə Kənd Təsərrüfatı Nazirliyinin Aparat rəhbəri Aqil Quliyevə tapşırılıb.
Qeyd edək ki, Aqil Quliyev bundan əvvəl Kənd Təsərrüfatı Nazirliyinin daxili nəzarət və audit şöbəsinin müdiri olub. 2018-ci ilin sentyabr ayından isə KTN Aparatının rəhbəri vəzifəsində çalışır.
"Aqrar Tədarük və Təchizat" ASC Azərbaycan Respublikasının Prezidenti cənab İlham Əliyevin 14 dekabr tarixli Fərmanı ilə yaradılıb. Bu qurum eyni Fərmanla ləğv edilən "Ərzaq məhsullarının təchizatı və tədarükü" ASC-nin hüquqi varisidir. Fərmana əsasən, "Aqrar Tədarük və Təchizat" ASC-nin İdarə Heyətinin sədrini və üzvlərini kənd təsərrüfatı naziri təyin edir
Ən çox oxunanlar
Son xəbərlər
