2 deputat Azərbaycanın AŞPA-dakı nümayəndə heyətinin tərkibinə daxil edilir
Baxılıb: 681 Tarix: 02-06-2018 14:57
Azərbaycanın Avropa Şurası Parlament Assambleyasındakı (AŞPA) nümayəndə heyətinin tərkibində dəyişiklik edilir.
Qanunvehedef.az-ın Modern.az-a istinadən xəbərinə görə, nümayəndə heyətinin tərkibinə rotasiya qaydasında dəyişiklik edilir.
Belə ki, AŞPA-dakı nümayəndə heyətinin tərkibinə deputatlar Çingiz Qənizadə və Naqif Həmzəyevin yeni üzv seçilməsi təklifi irəli sürülüb.
Məsələyə Milli Məclisin iyunun 12-də keçiriləcək növbədənkənar plenar iclasında baxılacaq.
Qeyd edək ki, hazırda Azərbaycanın AŞPA-dakı 12 nəfərlik nümayəndə heyətinə aşağıdakı deputatlar daxildir:
Səməd Seyidov (sədr), Qənirə Paşayeva, Fazil Mustafa, Sabir Hacıyev, Sahibə Qafarova, Sevinc Fətəliyeva, Elşad Həsənov, Rəfael Hüseynov, Rövşən Rzayev, Ülviyyə Ağayeva, Asim Mollazadə, Vüsal Hüseynov daxildir.
Lakin ölkə başçısının imzaladığı sərəncamla deputatlar Rövşən Rzayev “Dövlətqaçqınkom”un sədri, Vüsal Hüseynov isə Dövlət Miqrasiya Xidmətinin rəisi təyin edildiyindən, onlar AŞPA-ya gedə bilmirlər.
Ən çox oxunanlar
Son xəbərlər
