“Mayın 28-i rekord sayda səs toplayacağıq”
Baxılıb: 552 Tarix: 22-05-2023 11:22
“Mayın 28-i keçiriləcək seçkini rekord sayda səs qazanaraq tamamlayacağıq”.
Qanunvehedef.az xəbər verir ki, bunu Türkiyənin hazırkı Prezidenti, “Cümhur İttifaqı”nın prezidentliyə namizədi Rəcəb Tayyib Ərdoğan öz tviter hesabında etdiyi paylaşımda bildirib.
“Mayın 28-ni əziz millətimizin iradə və dəstəyi ilə rekord sayda səs toplayaraq tamamlayacağıq”, - deyə Ərdoğan qeyd edib.
O, mayın 14-ü keçirilən parlament seçkiləri zamanı “Cümhur İttifaqı”nın 323 millət vəkili ilə üstünlük qazandığını da vurğulayıb.
Xatırladaq ki, Türkiyədə mayın 14-də keçirilən prezident seçkiləri zamanı hazırkı Prezident Rəcəb Tayyib Ərdoğan 49,52%, CHP sədri Kamal Kılıçdaroğlu 44,88%, “ATA İttifaqı”nın namizədi Sinan Oğan 5,17%, Məmləkət partiyasının sədri Muharrem İnce isə 0,44% səs toplayıb. Mayın 28-i ikinci tur baş tutacaq.
Ən çox oxunanlar
Son xəbərlər
