ABŞ bunu Putin-Merkel görüşündə etdi, çünki... - Rusiya

ABŞ-ın “Şimal Axını-2”yə qarşı sanksiyası bu layihə ilə bağlı aparılan danışıqlara maneə yaratmaq üçün qəsdən atılmış addımdır.
Qanunvehedef.az xəbər verir ki, bunu Rusiya Dövlət Dumasının beynəlxalq əlaqələr komitəsinin sədr müavini Aleksey Çepa deyib.
Çepa bildirib ki, bu hadisə Prezident Vladimir Putinlə kansler Angela Merkel arasında Berlində aparılan danışıqlarla eyni vaxta təsadüf edib:
“Bu da ona görə edilib ki, “Şimal Axını-2” ilə bağlı danışıqlar prosesi çətinləşdirilsin”.
Çepanın sözlərinə görə, bu layihə Rusiya, Almaniya və digər ölkələr üçün sərfəlidir, amma ABŞ üçün yox.
Qeyd edək ki, dünən “Uol Strit Jurnal” qəzeti “Şimal Axını-2” layihəsinin ABŞ-ın yeni sanksiyalar paketinə daxil edilmə mərhələsində olduğunu yazmışdı.