Misirli nazir 10 il sonra ilk dəfə Türkiyəyə gedir

Bu gün Misirin ticarət və sənaye naziri Əhməd Samir Saleh Türkiyəyə işgüzar səfər edəcək.
Qanunvehedef.az “NTV”yə istinadən xəbər verir ki, bu səfər ticarət nazirləri səviyyəsində son 10 ildə həyata keçirilən ilk səfər olacaq.
Türkiyənin ticarət naziri Ömer Bolatın dəvəti əsasında baş tutacaq səfər zamanı tərəflər iqtisadi-ticari məsələlər ətrafında fikir mübadiləsi aparacaq.
Qeyd edək ki, 2013-cü ildə Misirdə baş verən hərbi çevrilişindən sonra Türkiyə və Misir arasında diplomatik münasibətlər hər iki tərəfdən müvəqqəti işlər vəkilləri səviyyəsində olub. Belə ki, Qahirə və Ankara arasında bir sıra beynəlxalq məsələlər barədə fikir ayrılığı olub.