Rusiya müdafiə naziri Sergey Şoyqu: NATO sərhədimizə yaxınlaşır, bizə söz vermişdilər

NATO qoşunları Rusiya sərhədlərinə çox yaxınlaşıb və bu, hərbi təhlükəsizliyə əlavə təhdidlər yaradır.
Qanunvehedef.az xəbər verir ki, bunu Rusiya müdafiə naziri Sergey Şoyqu deyib.
“Vurğulamaq istəyirəm ki, biz yox, onlar bizə yaxınlaşıb. Bu, bir daha göstərir ki, qərblilərə etibar etmək olmaz. İndi bizi qınayırlar ki, Rusiyanı Ukraynada dayandırmasalar, biz guya alyans ölkələrinə hücum edəcəyik”, - Şoyqu bildirib.
Onun sözlərinə görə, Rusiya digər dövlətlərin işlərinə qarışmamaq siyasətinə sadiqdir:
“Sovet İttifaqının dağılmasından sonra NATO-nun şərqə doğru genişlənməsi davam edir, baxmayaraq ki, 90-cı illərdə bizə bunun baş verməyəcəyi vəd edilmişdi. Bu müddət ərzində NATO-nun genişlənməsinin altı dalğası baş verib”.

Qanunvehedef.az