Mariya Zaxarova: Rişi Sunakya yazığım gəlir!

Rusiya XİN-in sözçüsü Mariya Zaxarova Böyük Britaniyanın Baş naziri Rişi Sunakın nüvə eskalasiyası və qaz təchizatı ilə bağlı sözlərini çıxılmaz yalan adlandırıb.
Qanunvehedef.az xəbər verir ki, bu barədə “RİA Novosti” məlumat yayıb.
“Sunakın yalanları o qədər çarəsizdir ki, hətta ona yazığım gəlir. Bəs əgər bu sadəcə axmaqlıqdırsa?” - o bildirib.
Təhlükəli nüvə eskalasiyasından danışan Zaxarova qeyd edib ki, Zaporojye atom elektrik stansiyasını məhz Kiyev atəşə tutur. O vurğulayıb ki, Rusiya qaz tədarükünü dayandırmayıb və bu təkzibolunmaz faktdır.
Xatırladaq ki, Sunak Putinin davranışının dünyanı Karib böhranından sonra ən təhlükəli nüvə eskalasiyasına yaxınlaşdırdığını bildirib. Baş nazir onu da deyib ki, Rusiya qaz tədarükünü dayandırdıqda bu, Britaniyanın enerji təhlükəsizliyini risk altına atıb.

Qanunvehedef.az