Lavrov-Rubio görüşü təxirə salındı

Rusiya xarici işlər naziri Sergey Lavrov və ABŞ dövlət katibi Marko Rubio arasında görüş təxirə salınıb.
Qanunvehedef.az xəbər verir ki, bu barədə CNN telekanalı Ağ Evdəki mənbəyə istinadən məlumat yayıb.
“Görüşün bu həftə niyə baş tutmayacağı hələlik aydın deyil, lakin mənbələrdən biri Rubio və Lavrovun görüşün mümkün yekunları barədə fərqli gözləntilərə malik olduğunu bildirib”, - məlumatda deyilir.
Həmçinin bildirilib ki, tərəflər arasında görüşün yeni tarixi hələ məlum deyil. Bundan başqa, danışıqların təxirə salınmasının Rusiya Prezidenti Vladimir Putin və ABŞ lideri Donald Tramp arasında Budapeştdə keçirilməsi gözlənilən görüşə necə təsir göstərəcəyi də bilinmir.

Qanunvehedef.az