Nazirdən sosial müavinətlərlə bağlı - Açıqlama

Sosial müavinətlərin elektronlaşdırılması istiqamətində iş aparılır.
Report xəbər verir ki, bunu Əmək və Əhalinin Sosial Müdafiəsi naziri Sahir Babayev jurnalistlərə açıqlamasında deyib. O bildirib ki, 2019-cu il ərzində bu sahədə elektronlaşdırmanı yekunlaşdırmağı nəzərdə tuturlar:
"Məqsədimiz elektron sosial müavinət təyinatına keçməkdir. Burada ən vacib məqam bu gün sosial müavinət alan 500 min şəxsin, eyni zamanda ildə orta hesabla sosial müavinət sisteminə gedəcək 10-15 min şəxsin məlumatlarının inventarlaşdırılmasıdır. Düşünürük ki, cari il ərzində bunu başa çatdıracağıq”.шаблоны для dle 11.2