Deputat islahatlardan danışdı: Böyük addımlar...

2018-ci il idarəetmədə islahatlar ili kimi yadda qalır. Hazırda bir çox sahələrdə, strukturlarda ASAN Xidmət modelində xidmətlər həyata keçirilir. Bu, olduqca müsbət hadisədir. Dövlət başçısının tapşırığı ilə şəhidlər, şəhid ailələri və digər kateqoriyadan olan insanlarla bağlı böyük addımlar atılır.
Qanunvehedef.az xəbər verir ki, bu sözləri Milli Məclisdə çıxışı zamanı komitə sədri Əli Hüseynli bildirib.
Əli Hüseynli daha sonra Baş nazir Novruz Məmmədovun, habelə Əmək və Əhalinin Sosial müdafiə nazirinin Milli Məclisdə olduğunu nəzərə alaraq bir məsələni qaldırıb:
“Bizim bir neçə milli qəhrəmanımız var ki, onlar mənzillə təmin edilməyib. Hesab edirəm ki, onları qəbul edib bu problemi həll etmək mümkündür”.